DAVAO CITY – Balhug na sa bilanggo-an ang most wanted person nga nadakpan atol sa pag-serve sa warrant of arrest batok ngadto kaniya sa kapolisan sa Talomo PNP.
Gipangunahan ang nahisgutan nga kalihokan ni Police Chief Inspector Oliver S. Navalez, inabagan sa Criminal Investigation and Detection Group (CIDG) – Eleven.
Naila ang most wanted person nga usa ka Nelson Pordaliza Sabido, 47 anyos, residente sa San Antonio, Matina, ning dakbayan sa Davao.
Bitbit sa mga tinugyanan sa balaod ang warrant of arrest nga gipagula ni Judge Retrina Fuentes sa RTC Brach 10.
Kasong carnapping ang gi-atubang sa dinakpan ug mamahimo lamang nga gawasnon kung makapahimutang ug pyansa nga P180 mil ka pesos.
Gidakop ang nahisgutan nga most wanted person alas 7:45 kagahapon sa buntag sa nahisgutan nga lugar.
Sa kasamtangan ang nahisgutan nga dinakpan balhug na sa Talomo PNP.
Naghulat na lamang kini sa sunod nga kamando-an sa hukmanan.
