-- ADVERTISEMENT --
DAVAO CITY – Arestado ang usa ka lalaki atol sa gipahigayon nga Manhunt Charlie operation sa mga sakop sa Panabo Police Station sa Prk. 1 Durian, Brgy New Visayas, Panabo City.
Bahol sa karsel ang Christian Mendeoro Reposapos human nga nasikop pinaagi sa warrant of arrest, gumikan sa kasong Acts of Lasciviousness ug rape nga giisyu gikan sa Third Judicial Region, Branch 12, Olongapo City, Zambales.
Mobalor sa Php180,000 ang pyansa nga gihatag kaniya alang sa temporaryong kagawsan sa kasong acts of lasciviousness samtang walay pyansa ang girekomenda alang sa kasong rape.
Mapasalamaton ang kapulisan sa nagpakabanang sibilyan nga maoy nipaabot og mensahe ngadto sa ilang buhatan nga nagresulta sa pagkasikop sa usa ka gipangita sa balaod.
