DAVAO CITY – Ugdaw ang 8 ka panimalay human sa nahitabong sunog sa Purok 9 San Antonio Leon Garcia Agdao, Davao City. Sumala kang Fire Arson Investigator Central Fire Station FO1 Ken Arkolcel, pasado alas 10 sa buntag dihang niulbo ang kalayo sa ikatulong andana sa panimalay ni Vina Atay Cahis.
Gumikan kay gama sa light materials ang mga panimalay, daling nikuyanap ang kalayo ug gilamoy ang 8 ka panimalay. Sa pikas bahin, gikabutyag ni Kapitan Lita Impis nga walay natala nga namatay sa sunog , apan dunay mga naangol kinsa dali usab nga nadapatan og pasiunang tambal.
Gibana-banaang mukabat sa Php 5,746,600 ang damyos nga gibilin sa maong hitabo.
Temporaryo karong nagpasilong sa Brgy. Gym ang 17 ka pamilya o 58 ka indibidwal ug gisuta pa kung unsa ang hinungdan sa sunog.
Pasado alang 12:15 na sa udto dihang gideklarang fire out ang sunog.
