“Walking Tree,” giila isip 2024 Tree Of The Year sa New Zealand

DAVAO CITY – Gikabutyag nga usa ka lahing matang sa puno-an ang nagbaton ug mga ugat nga daw mga tiil ang giila sa New Zealand isip 2024 Tree of the Year.

Gitawag ang maong puno-an nga Walking Tree gumikan kay daw naglakaw kini.

Ang sukwahi nga kahoy ang gitawag nga northern rata nga adunay scientific name nga metrosideros robusta.

Nahilakip usab kini sa pinakataas nga matang sa puno-an nga namulak sa New Zealand ug kayang mabuhi hangtod sa usa ka libo katuig.

Adunay gitas-on ang puno-an ug 105 feet, katugabang sa pito ka andana nga building.