Walay Pilipino nga naangol sa pagpamomba sa Iran sa U.S. Air base – Embahada sa Pilipinas

Mikompirma ang Embahada sa Pilipinas sa Qatar nga walay Pilipino nga naangol human gibombahan sa Iran ang U.S. Al-Udeid Air Base sa habagatang bahin sa Doha.

Sumala sa gobyerno sa Qatar, walay namatay o nasamdan sa pag-atake.

Gipasalig usab sa Qatar nga andam silang motubag sa bisan unsang hulga sa seguridad sa nasud ug sa mga residente niini.

Gitambagan sa embahada ang mga Filipino sa Qatar nga magpabiling alerto, magtagad sa mga balita, ug mosunod sa mga instruksyon sa embahada ug lokal nga awtoridad.