DAVAO CITY – Walay nakitang pagsaka sa presyo sa manok partikular na sa Bankerohan Public market human ang nasinatian nga bird flu outbreak Pampanga.
Sa kasamtangan, anaa sa P140 pa gihapon ang matag kilo sa karneng manok sa palengke.
Una ng gibutyag sa mga naninda nga luwas sa bird flu ang ilang mga produkto gumikan kay gikan sumala pa kini sa Panacan ug Toril ning dakbayan sa Davao ug mipailalom sab kini sa hugot nga inspeksyon ayha ibaligya sa palengke.
Kahinumduman nga nagpagula ug pahimangno ang Department of Agriculture (DA) nga likayan una ang shipment sa mga manok gikan sa Luzon paingon sa nagkadaiyang lugar sa nasud.
Una ng gibutyag ni Agriculture Secretatary Manny Pinol nga tumong niini nga malikayan ang pagkatag sa bird flu outbreak sa tibuok kapupud-an.
Hinuon gitino sa kalihim nga dili kalakip ang mga langgam nga molatas pinaagi sa Manila airport apan hugtanon nila kini nga ipailalom sa istriktong quarantine protocols.
