DAVAO CITY – Taliwala sa hugtanon nga pagbantay sa Bureau of Fisheries and Acquatic Resources (BFAR) wala pa kini’y nadakpan nga mga commercial fishing vessel nga nakasupak sa suspension sa pagpanagat sa Davao Gulf atol niining kapanahonan sa closed season nga mihatag ug kahigayonan sa pagpangitlog sa mga Isda.
Nasayran gikan kang BFAR Eleven Director Fatma Idris nga anaa pa sa kalauran nga bahin ang mga seaborn patrol ug wala pa’y nadawat nga bisan unsa nga report kalabot sa mga malapason nga mga commercial fishing vessels nga posibling anaa sa kawat-kawat nga pagpangisda sa Gulpo.
Na-obserbahan nga daghanan nga mga fishieng vessel nga naka-standby lamang samtang gipatuman pa ang close season.
Mensahe na lamang sa BFAR sa publiko, ilabi na kadtong anaa manimuyo daplin sa dagat nga gilayon nga motug-an kanila kung makamatikod nga dunay mga milapas sa mga sumbanan sa BFAR, o kaha sa Local Government Unit samtang mipatigbabaw ang close season Hunyo1 hangtud na sa Augusto 31.
