DAVAO CITY – Nagpahinumdom karun ang otoridad ngadto sa katawhan nga bisan lu-ag na ang restrictions, angayan pa gihapon nga mutamod sa gipatuman nga Health Protocols.
Kahinumduman sa mga kapulisan Tagum PNP ang usa ka “ALIAS DEN DEN”, hamtong ang pangidarun, residente sa Purok 4-A Orange Valley Magugpo South, Tagum City human nga wala kini nagsuot ug facemask.
Pasakahan ug kaso ug paglapas sa CITY ORDINANCE NO. SP-2957 S-2020 o wala pagsuot ug tarung sa iyang facemask sa pampublikong lugar.
Nasikop ang nahisgutan pinasikad sa gahum sa Omnibus Order Of Arrest nga gi-isyu ni HON. GAY GERLE T. MESEPEQUIÑA PELOTON Presiding Judge sa MTCC sa 11th Judicial Region.
Makagawas ang nahisgutan sa presohan kung makaduso kini ug piyansa.
Gikustodiya sab sa Tagum PNP ang nahisgutan alang sa tukma nga disposisyon.
Padayon ang pahimangno sa kapulisan nga nagpabilin pa karon ang bahad sa Covid-19 hinungdan nga kinahanglan pa gihapon nga mutamod sa mga polisiya nga gitakda sa gobyerno.
