Nagpasaka og pormal nga kaso ang grupo nga Anti-Corruption group nga “Wag Kang Kukurap” batok kang Sen. Ronald “Bato”Dela Rosa sa Senate Committee on Ethics and Privileges gumikan sa tulo ka bulan nga wala niini tumana ang iyang katungdanan isip myembro sa senado.
Gipunto sa grupo, nga ang kapakyasan sa pagtuman sa katungdanan niini isip usa ka senador usa ka matang sa Dereliction of duty ug pag-abuso sa pagsalig sa publiko.
Sumala ni kanhing Finance UnderSecreaty Ceilo Magno nga kabahin sa nagduso nga dili makatarunganon nga padayun nga nagdawat og kompensasyon ang usa ka opisyal sa gobyerno nga wala mutuman sa iyang katungdanan.
Dugang pa nga gitandi niini nga susama sa usa ka ordinaryo nga trabahante nga wala gatuman sa iyang mga tahas nga adunay silot kinahanglan usab nga susama kini nga makasinati bisan paman og adunay taas nga posisyon sa gobyerno.
Matud ni Senador JV Ejercito, nga aduna pay lima ka etchics complaint nga nag-una og dili mahimo nga unahon ang reklamo batok kang Dela Rosa.
Giklaro usab ni Ejercito nga wala kaniya ang desisyon kung unsa ang sakto nga solusyon sa kaso ni Dela Rosa. Dugang pa sa senador, nga anaa sa mga miyembro sa komite ang paghukom sa reklamo ni Dela Rosa.
Nagpasabot usab si Senate President Vicente Tito Sotto III, nga sa kasamatangan wala pay mga patakaran ang senado sa mga senador nga wala gasulod, apan adunay mga plano karon nga idugang nga patakan gumikan sa sitwasyon ni Dela Rosa.
Usa sa mga plano nga idugang sa senate rules ang posible nga pagpahunong sa sweldo sa opisyal nga wala nagtrabaho.Kahinumduman nga una na nga wala nagpakita ang kasamtangan nga senador human sa pamahayag ni Ombudsman Jesus Crispin Remulla kabahin sa gikaingong warrant of arrest batok kaniya nga gikan sa ICC tungod sa war on drugs nga kaniadto nagsilbi kining PNP Chief.
