Gibutyag sa convenor sa Indignation Rally ug Candle Lighting ni VP Sara kaniadtong milabayng adlaw, nga si Randy Usman, nga matigayon ang mas dako ug halapad pa nga rally sa Pilipinas karong umalabato nga Edsa People Power Anniversary aron pahawaon sa pwesto si PBBM.
Sumala pa sa maong convenor, nga nabudol ang mga Pilipino sa pagboto niini kang PBBM isip presidente, ingon man nga wala kini pakabana ug usa kini ka huyang nga presidente.
Gumikan niini, gibutyag usab ni Usman nga posible nga maghiusa ang katawhan sa nasud karong umalabot nga Pebrero 22 hangtod 25 ning kasamtangang tuig.
Kalakip niana matud pa ang gidaghanon nga supporters ni VP Sara susama sa Iglesia ni Cristo ug ang Muslim Community.
Ginalauman usab nga muslamot sa nahisgutan nga panagtapok ang mga Pilipino nga anaa sa Estados Unidos, United Arb of Immirated, Pagadian, Cagayan, NCR, Cebu ug Davao.
Ang laraw nga kalihukan kalakip na usab sa ginapanawagan niini nga campaign nga #protectvpsara.
Dugang pa ni Usman, nga magmatngon na ang mga Pilipino ug mubarog nga ipatanggal na si President Ferdinand Marcos Jr., gumikan wala na sumala pa kini sa sakto nga panghunana nga pagka-presidente.
Kahinumduman, nga bag-ohay lamang nga mianunsyo ang presidente nga ipashutdown niini ang gobyerno, ug adunay pausab-usab nga mga pamahayag batok kang VP sara.
