Posible sumala pa nga mag atubang og kasong pluner si Vice President Sara Duterte.
Kini human nga nabulgar sa pagdungog sa House Blue Ribbon Committee ang mga seryoso sumala pang mga irregularities, hilabi na sa mali matud pa nga paggasto sa confidential funds sa Office of the Vice President ug sa Department of Education kaniadto.
Giklaro ni Antipolo Rep. Romeo Acop, ang kakulangan sumala pa sa transparency ug sa paggasto sa pampublikong pondo nga wala matud pa nakaalayon sa balaod.
Dugang pa ni Acop, nga sumala pa sa imbestigasyon sa Komite, ang alokasyon sa confidential funds sa OVP ug sa DepEd, gigamit matud pa sa pamaagi nga adunay pagsupak sa COA-DBM Joint Circular No 2015-01.
Posible sumala pang mag-atubang sab og kasong plunder, technical malversation, falsification of public documents, ug bribery ang mga trusted aid ni VP Sara Duterte.
Nagpahimangno sab ang mga magbabalado nga posible sab kini nga makulong gikan unom hangtod 12 ka tuig, kung ugaling mapamatud-an kining guilty sa mga mga krimen.
Sumala pa sa imbestigasyon sa maong komite, nga ang mga special disbursing officers nga sila Gina Acosta sa OVP ug si Edward Fajarda sa DepEd, maoy gakupot sa confidential funds nga walay igong dukomento.
Samtang, gibutyag sab ni Vice President Sara Duterte nga gi-welcome sab sumala pa niini ang pag file sa pipila ka mga kalaban niini sa politika og impeachment complaint, diin nagpasalamat na sab kini, nga siya lamang ang gitumbok niini ug dili na ang mga kaubanan niini sa OVP.
