Nagalaum gihapon si Vice President Sara Duterte nga mabag-o pa ang maong naaprobahang pondo sa ilahang buhatn, aron nga maka-function matud pa kini og maayo, nunot pa man sa nahitabong pag apruba na sa maong budget sa Senado.
Dugang pa niini, nga og ugaling mabalik sumala pa ang maong natapyas nga pondo sa OVP, maoy dako matud pa kining butang alang sa ilahang buhatan.
Apan, gumikan na usab nga ang Kongreso ang adunay kagahum nga muaproba sa maong budget alang sa mga nagkadaiyang ahensya sa gobyerno, gikanayon ni VP Sara nga magpadayon gihapon sila sa ilahang trabaho, bisan paman og pila na lamang ang mahabilin nga budget sa ilahang buhatan alang sa musunod nga tuig.
Nagpasalamat sab si Duterte, human nga naaprubahan gilayon ang maong panukala nga P733 Million nga pondo sa Office of the Vice Presidente alang sa musunod nga tuig.
Wala ra matud pay napulo ka minuto ang milungtad, atol sa pag-apruba sa gihangyo nga pundo sa OVP.
Gumikan sa pahayag ni Senate Committee on Finance Chairman Senadora Grace Poe, labot sa ilahang na-retain ang maong panukala nga P733 Million nga pondo ngadto sa OVP nga giaprubahan sa Kamara alang sa 2025 General Appropriations Bill, maoy nahimong rason og nganong mitambong si VP Sara maong pagdungog sa Senado.
