Wala na ka agwanta si Vice President Sara Duterte human nga iya kining gipangutana sa komite nga sumala pa wala gayud kini niya nasabtan kung nganong adunay nakonbikto na sa child abuse apan galingkod gihapon sulod sa Kongreso.
Nahitabo ang maong panghitabo, atol kana sa pagpahigayon ug pagdungog sa House of Representatives kabahin sa budget hearing ng Office of the Vice president sa 2025, human nga wa sab nagpaulahi si ACT-Teachers Partylist Rep. France Castro nga iya sab nga giinsister ang maong pangutana kabahin sa gigamit sa OVP nga confidential funds niadtong tuig 2022.
Gitawag sab si VP Sara ni Castro nga daw murag pusit, gumikan sa mga diversionary tactics niini nga dili kini diretsu sumala pa mutubag sa mga pangutana.
Gipahimangnuan usab si Duterte ni Cong. Stella Quimbo ang chairperson sa maong komite, nga kung mamahimo maghatag kini ug respeto sa maong pagdungog.
Tubag usab ni Duterte, nga nahimo na sab daw siya nga daw gina-crucify sa maong panghitabo ug gikwestyon sab kini sa pagka-one-sided niini.
