Tuyo ug tumong sumala pa ni Vice President Sara Duterte og nganong midagan kini isip pagka-Bise Presidente sa nasud aron nga kunhuran matud pa ang nabati nga pagkadismaya sa katawhan kaniya, gumikan wala kini naminaw sa mulo sa kadaghanan nga mudagan kini isip pagka Presidente, ug lakip na usab aron nga mapadayon ang mga proyekto sa iyahang amahan nga si kanhing Pangulong Rodrigo Duterte.
Sigon niini nga sa wala matud pa kini misulod sa national position, iyaha unang gipangutana si Davao City Mayor Sebastian Duterte nga iyahang igsuon og kaya ba niining mudumala sa dakbayan sa Davao, apan gidawat sab kana ni Baste.
Dugang pa sa Bise Presidente, nga si Senator Imee Marcos mismo sumala pa ang mihangyo ngadto kaniya nga mudagan kini og pagka Vice President, gumikan nagtuo sumala pa ang mga Marcos nga kusog ang mga Duterte labaw na samga Bisaya.
Og sa dihang gidawat na ni Duterte ang maong hangyo, sumala pa sa mga survey nga nangguwa, dako matud pa ang posibilidad nga mudaog gayud siya ug ang iyahang running mate nga si Bongbong Marcos.
Kini subay ra usab sumala pa sa pagbasol kaniya sa katawhan nganong wala siya midagan pagka-presidente sa nasud.
