Gitawag ni Vice President Sara Duterte nga usa ka “crucifixion” ug “bloodbath” ang iyahang impeachment trial sa Senado human sa usa ka press conference sa The Hague, Netherlands niadtong Sabado, Mayo 31.
Nagpahayag usab siya sa iyahang pagkadismaya gumikan sa interpretasyon sa publiko sa iyahang unang pamahayag nga buot niyang ipadayon ang impeachment trial gumikan kay gusto niya og “bloodbath.”
Apan gisaway kini ni Rep. Lorenz Defensor nga giingon nga dili maayo nga ehemplo sa kabatan-onan.
Gisaysay sab ni Duterte nga ang impeachment usa ka “political persecution” batok kaniya human siya mibuhi sa gabinete sa kasamtangang administrasyon.
Kahibaloan nga ang Articles of Impeachment ipasaka sa Senado sa Hunyo 11, ayha pa ang pag-adjourn sa 19th Congress sa Hunyo 13, 2025.
Tumong niini aron hatagan og panahon ang mga prayoridad nga mga sugyot balaodnon.
Bisan pa man, misalig si VP Sara nga posible nga dili na madayon ang paghukom gumikan sa kakulangon sa oras, apan giingon niini nga andam gihapon ang iyahang legal team sa pag-atubang sa mga akusasyon.
