Gikondena sa duha ka lider sa kamara si Vice President Sara Duterte gumikan sa pagamit niini sa pulong nga “bobo” isip tubag sa mga pangutana sa kanunay niini nga pagbyahe sa ubang kanasuran.
Gipahayag ni House Assistant Majority Leader ug Manila 1st District Rep. Ernesto “Ernix” Dionisio Jr., ug Lanao del Sur 1st District Rep. Zia Alonto, dili angay sa usa ka lider sa nasud ang nahisgutang pagpamulong ug gidaot niini ang sumbanan sa pagka-opisyal sa gobyerno.
Dugang pa ni Dionisio, angay nga mahimong sumbanan ang mga opisyal sa gobyerno ilabi na sa mga kabataan.
Gihimong ehemplo niini si Pangulong Ferdinand Marcos jr. nga usa ka lider nga padayong nagpakita ug makalmahon bisan paman sa mga pagbatikos.
Nagpadayag usab ug kabalaka si Rep. Adiong sa pamatasan ug prayoridad sa ikaduhang pangulo, ilabi na ang kanunay niining pagbyahe sa ubang kanasuran.
Gipahayag pa niini nga ang gipangsulti sa ikaduhang pangulo ang dili lamang repleksyon sa iyahang pagkatawo apan sa opisina nga gidumalahan niini.
