Girekomenda sa House Committee on Good Government and Public Accountability nga pasakahan og kasong plunder si VP Sara Duterte sa higayong mapakyas kini nga matubag og giunsa paggamit ang P112.5-M nga confiential fund nga gipa-encash matud pa niini isip cash advances alang sa mga duol sa dughan niini nga aide panahon nga secretary pa kini sa Department of Education.
Gikanayon ni Senior Deputy Speaker Aurelio “Dong” Gonzales Jr. nga giwithdraw matud pa ang pondo pinaagi sa 3 ka managlaing tseke diin matag tseke dunay pondo nga P37.5-M nga giisyu matud pa kang DepEd Special Disbursing Officer Edward Fajarda.
Dugang pa ni Gonzales nga kwarta matud pa kini sa mga tawo ug angay lamang mahibal-an og diin kini gigamit ug sa higayong di matud pa matubag sa bise-presidente ang pangutana og diin gigamit ang kwarta, trabaho matud pa nilang magpasaka og tukmang kasi batok sa ikaduhang pangul aron maprotektahan ang interes sa publiko.
Samtang, giangkon ni DepEd Undersecretary for Finance Annalyn Sevilla nga ang trabaho lamang niini isip Undersecretary for Finance limitado lamang matud pa pagproseso sa disbursement funds.
