VP Sara Duterte, naghatag og update sa kahimtang ni kanhi pangulong Duterte

Gipahibalo ni Bise Presidente Sara Duterte ang kahimtang sa iyang amahan nga si kanhi Pangulong Rodrigo Duterte, kinsa padayon nga anaay medikal nga atensyon sa usa ka pasilidad sa International Criminal Court (ICC) sa The Hague, Netherlands.

Sumala sa bise presidente, wala pa gihapon mabalhin ang iyang amahan ngadto sa kuwartong gitakda alang kaniya.

Gani gibisita ni VP Sara ang iyang amahan sa niadtong Martes sa gabii, oras sa Pilipinas, ug iyang nakit-an nga naa kini sa maayong espiritu ug kondisyon.

Sumala pa niini, nakakakaon kini ug tarong, ilabi na kay adunay kan-on nga giandam alang kaniya.

Gipahayag usab nga bisan pa sa kahimtang sa kanhing pangulo, nagpabilin kini nga lig-on ug determinado.