Mopauli si Vice President Sara Duterte sa Pilipinas karong semana aron moapil sa mga kalihokan sa Araw ng Dabaw, sumala sa Office of the Vice President (OVP).
Ang syudad sa Davao nag-andam sa usa ka parada niadtong Marso 16 aron saulogon ang ika-88 nga anibersaryo sa charter niini, nga gipangulohan sa iyang igsuon nga si Mayor Sebastian Duterte.
Sa wala pa ang iyang pagpauli, mitambong si VP Duterte sa Pasasalamat Para kay PRRD event sa Hong Kong, diin nagkahiusa ang liboan ka overseas Filipino workers (OFWs) aron makita niini, ang iyang amahan nga si kanhi Presidente Rodrigo Duterte, ug pipila ka kandidato sa Senado.
Sumala pa, gidala usab niini ang iyang pinakabata nga anak sa Hong Kong Disneyland.
Samtang sa sunod semana, gikatakdang mobisita si Duterte sa Davao City Museum aron suportahan ang kultura ug kasaysayan sa syudad.
Gani, padayon kining moapil sa mga kalihokan sa Araw ng Dabaw aron ipakita ang iyang pagsuporta sa iyang gigikanan nga lungsod.
