Gibalikan sa mga kongresista ang nagkadaiyang isyu batok kang Vice President Sara Duterte homan nga nagpagawas kini ug mensahe sa mga kaigsuonang Muslim nga adunay pagkadismaya sa mga nangulo sa gobyerno.
Gihagit ni Zambales Rep. Jay Khonghun ug La Union Rep. Paolo Ortega V si Duterte nga atubangon ug tubagon ang mga isyu sa iyaha, susama sa pagbyahe sa Germany samtang gibagyo ang Pilipinas.
Samtang gipahayag usab sa mga magbabalaod nga gikinahanglang ipakita sa publiko sa bise presidente kung paunsa nahurot niini ang iyahang 125 milyong confidential ug intelligence fund (CIF) sulod sa onse ka adlaw ug ang extra judicial killings sa dakbayan sa Davao sa dihang mayor pa kini sa syudad.
Matod pa ni Rep. Ortega nga ihunong na ang reklamo ug magtrabaho na lamang ug magtinabangay aron mapalambo ang nasud.
Nahinumduman usab sa opisyal gipadako sa bise presidente ang isyu sa pagpakunhod sa mga pulis nga nadestino kaniya.
Samtang nahisubo usab si House Assistant Majority Leader ug Lanao del Sur Rep. Zia Alonto Adiong sa nahimong pamahayag ni Sara nga nagsugyot ug pagbahinbahin sa mga Pilipino.
