Gihimakak ni Bise Presidente Sara Duterte ang alegasyong “habitual absences” niini sa iyahang mga responsibilidad isip ika-duhang pangulo.
Depensa niini nga panghimakak ug pagpangdaot lamang ang susamang alegasyon ngadto sa iyahang reputasyon ug sa iyahang pamilya.
Kahinumdumang gikondena ni ACT Teachers Rep. Antonio Tinio ang makapilang beses nga paggawas sa bise sa Pilipinas.
Matud pa ni Tinio nga dili sama sa laing mga ordinaryong empleyado, wala man lamang matud pay deduction sa sweldo o warning nga madawat ang bise sa “habitual absences” ug walay katugbang nga samputanan ang lihok sa bise.
Gikanayon usab sa bise nga kung gikwestyon sa pipila ka mga katawhan sa house of representatives ang mga travel authorities niini, angay lamang nga ipakita usab sa maong nahisgutanan ang travel authorities niini aron nga klaro sa katawhan ang rason sa paggawas-sulod niining mga nahisgutan sa nasud.
Kahinumdumang, una na usab nga gihimakak sa bise ang isyung milupad kini padulong sa Kuwait nga walay travel authority diin gingnan usab niya si Palace Press Officer Usec. Claire Castro nga ang maong lihok usa lamang ka “scapegoating.”
