Gikatakdang padalhan og subpoena si VP Sara Duterte human nga gikonsiderang ‘mastermind’ sa Department of Justice ang ikaduhang pangulo gumikan sa pagbahad niini sa kinabuhi ni Pres. Ferdinand Marcos, Jr., First Lady Liza Marcos ug House Speaker Martin Romualdez sa higayong maunhan matud pa kini sa iyang mga kalaban sa politika, rason nga naghire na matud pa kini daan og assassin.
Dugang pa niini nga nagsugod na matud pa ang ilang imbestigasyon ayha pa man sa gipahigayong presscon kagahapon.
Gipaniguro sab niini nga magpadayon ang ilang imbestigasyon hangtod sa pinakailawom aron sa pagkab-ot sa hustisya.
Gihulagway sab niini ang bahad ni Duterte nga seryoso ug usa ka daotan nga pulong.
Sa pikas bahin, di matud pa balewalaon ni VP Sara Duterte ang gibuhat matud pa kaniya sa House Blue Ribbon Committee atol sa gipahigayong hearing kagahapon.
Gani, gibalikan sab niini ang pagpalag matud pa sa katawhan human nga gipapatay sa pamilyang Marcos si ex-Sen. Ninoy Aquino.
Hinoon, andam matud pa si Duterte nga atubangon ang NBI sa higayong padalhan kini og subpoena labot sa nahimong pagbahad matud pa sa kinabuhi sa pangulo.
Dugang pa niini nga angay sab matud pa nga tubagon ang iyang mga pangutana, apan wa na kini naglaom nga mamahimong patas ang gobyerno.
Gusto sab ipaklaro sa ikaduhang pangulo ang pagsilot matud pa sa Kamara ngadto kang OVP Chief-of-Staff Atty. Zuleika Lopez inay nga si PBBM ang pahamtangan gumikan mao kini ang mibarog isip appointing authority.
Naundang sab kadali ang hearing sa dihang naglain ang panimuot ni Special Disbursing Officer Gina Acosta human nga gigisa matud pa ni Rep. Gerville Luistro rason nga migawas sab si VP Sara Duterte aron sayron ang kahimtang sa iyang personahe.
