DAVAO CITY – Gisalmutan ni Vice President Sara Duterte ang ika-13 nga anibersaryo sa Mindanao Development Authority kon MinDA kagahapon.
Gikanayon sa bise presidente nga nahimong dagkong tabang ang ahensya sa pagpromotar sa sosyo-ekonomikanhong pagtubo sa Mindanao pinaagi sa pakig-alayon sa mga pribado ug civil groups nga nagtabang sa pag-uswag sa isla.
Gipasalamatan sab ni VP Sara ang MinDA isip kaabag sa nasyonal nga kagamhanan sa pagmugna og mga inisyatibo ug programa aron mapauswag pa ang isla sa Mindanao sa natad sa komersyo, business, trade, and development.
Atol sab sa selebrasyon, gipasidunggan sab sa MinDA ang bise presidente lakip na ang kanhi Pangulong Rodrigo Duterte pinaagi sa pag-ngalan sa usa ka suok alang kanila nga gitawag karong Agila Executive Room.
Matud pa ni MinDA Secretary Mabel Acosta atol sa pag-unveil sa marker sa maong function room, magsilbi kining pinuy-anan sa pagpangatundanan sa duha ka Duterte isip pinakaunang presidente ug bise presidente nga taga-Mindanao.
via || Bombo LJF
