DAVAO CITY – Gipahibalo sa ahensiya sa Commission on Election (Comelec) nga hangtud katapusan pa sa Agosto ning tuig kasamtangan ang pagsuspende sa voter registration sa ilang buhatan.
Tipik lamang kini gumikan kay nagpabilin pa gihapon karon ang krisis sa Covid-19. Sumala pa kang Atty. Krisna Samantha Caballero, tigpamaba sa Comelec 11, nga sa kasamtangan gipangandaman pa nila ang “New normal” kini aron masiguro ang kaluwasan sa panglawas sa matag usa.
Apan gipasalig sa nahisgutan nga pagsulod sa bulan sa Setyembre, subli na nga magpadayon ang transaksiyon sa ilang buhatan.
Hinuon abli sumala pa matag adlaw nga lunes hangtud huwebes ang ilang window transaction alang sa pag-isyu ug voter’s certification apan sirado ang ilang buhatan matag biyernes gumikan kay kinahanglan nila nga mopahigayon ug disinfection sa lawak.
