Pasakahan ug kasong pagsupak sa RA 9165 ang usa ka Vlogger/Influencer human nga nadakpan kini sa gilusad nga drug buybust operation kagbii sa Bypass Road Maa ning dakbayan sa Davao.
Sumala pa sa mga otoridad nga nakasupak ang nahisgutan particular na sa Section 5 ug section 11 sa maong balaod.
Una ng giila sa mga otoridad ang dinakpan nga si Christ Briand Pahamotang Oncada, 28 -anyos, ulitawo ug residente sa Barangay 76-A, ning akbayan sa Davao.
Gibana-banaan nga mokabat sa Php 20,000. ang kantidad sa pinauga nga dahoon sa marijuana ug ingon man ang lana sa marijuana ang nakumpiska atol sa drug buy-bust operation sa hinusang pwersa sa Regional Special Enforcement Team (RSET) sa Philippine Drug Enforcement Agency Regional Office XI ug National Bureau of Investigation XI SEMRO alas10:45 ang takna kagabii sa Surf Shack Restobar, By Pass Road, Maa, ning dakbayan sa Davao.
Atol sa gipahigayon nga inventory anaa na sa 38 ka mga transparent plastic sachets nga ituohan nga pinaugang dahon sa marijuana , 15 ka spray bottles nga adunay sulod nga marijuana oil, usa ka plastic bottle nga adunay sulod nga marijuana oil, usa ka cling wrap nga adunay gituohan nga pinauga nga dahoon sa marijuana ug lakip na usab ang buy-bust marked money.
Sa karong tingkagol na ang nasampit nga suspetsado sa selda sa PDEA.
