DAVAO CITY – Nadiskubre sa usa ka mag-uuma sa Purok 7 Brgy. Gumalang, Baguio District, ning dakbayan ang usa ka vintage bomb samtang nangahoy sa nahisgutang lawak.
Sumala sa report sa Bagio Police Station, gidangop kini sa ilahang istasyon ug gilayong giadto sa kapulisan ang lugar diin gilusad ang usa ka excavation drill.
Hinay-hinay nga gihaw-as gikan sa kayutaan sa mga sakop sa Explosive Ordinance Disposal and Canine Group 11 ang maong vintage bomb ug nasayran nga usa kini ka 81mm Mortar Vintage Bomb.
Subay sa inspeksyon sa mga awtoridad, anaa gihapon ang kompletong komponento niini. Gikustodiya na sa EOD-K9 RECU 11 ang maong vintage bomb.
Nagpahimundom ang kapulisan nga sa panahong makaplagan og gidudahang bomba, i-report dayon kini sa pinakaduol nga police station.
Ginadili sab ang pagduol, paggunit og pagbitbit niini aron mahilayo sa posibleng kadaot sa sariling kinabuhi, pamilya ug komunidad.
via || Bombo LJF
