Nagduso og reklamong kriminal ang Securities and Exchange Commission (SEC) batok sa Villar Land Holdings Corp. ug sa mga tag-as nga opisyal niini, lakip ang pamilya ni kanhing Senador Manny Villar, tungod sa mga alegasyon sa market manipulation ug insider trading.
Sa reklamo sa SEC, lakip sa mga giila nga respondents sila Manny Villar Jr., kanhing Senadora Cynthia Villar, ug ang ilahang mga anak nga sila Manuel Paolo, Mark, ug Camille Villar.
Sumala sa komisyon, ang kaso nagsugod sa giingong malimbungon nga financial disclosures sa kompanya niadtong 2024, diin gipatubo ang ilahang total assets ngadto sa P1.33 trilyon, apan migawas sa audit nga P35.7 bilyon ra diay ang tinuod nga kantidad niini.
Gikasohan usab ang mga kaalyadong kompanya nga Infra Holdings Corp. ug MGS Construction tungod sa paghimo og artipisyal nga demand aron pasakaan ang presyo sa stocks.
Nag-atubang usab si Camille Villar og kaso sa insider trading human giingong mipalit og libuan ka shares sa wala pa ipahibalo ang usa ka importante nga anunsyo sa kompanya niadtong 2017.
Gibutyag ni SEC Chairperson Francis Lim nga dili nila pasagdan ang bisan unsang fraudulent acts nga nanglimbong sa mga investors ug nagdaut sa integridad sa merkado sa Pilipinas.
