Gikanayon ni Atty. Nicholas Kaufman atol sa nagpadayon nga Confirmation of Charges Hearing sa ICC nga nagpadayon gihapon sumala pa ang giingong “vigilante killings” bisan paman nga natapos na ang termino ni kanhing Pangulong Rodrigo Duterte.
Mahitungod niini gipangutana usab nga legal counsel ni kanhi Pangulong Rodrigo Duterte ang International Criminal Court (ICC) prosecution kung plano ba nila nga imbestigahan usab ang administrasyon ni Pangulong Ferdinand Marcos Jr.,
Sumala ni Kaufman, base sa report sa Dahas Project sa University of the Philippines, 160 gikan sa 342 ka pagpatay ang natala nga gihimo sa state agents sa unang tuig sa administrasyong Marcos.
Gipadayag usab niini nga misaka ang ihap sa mga pagpatay gikan sa 342 ngadto sa 362 sugod Hulyo 2023 hangtod Hunyo 2024, diin gikabutyag sa report nga 34% sa mga insidente ang giingong responsibilidad sa state agents.
Gipangutana usab ni Kaufman nganong wala manawagan nga manubag ang iyahang mga kaubanan sa prosekyusyon alang sa mga pagpatay nga nahitabo nga matud pa ubos sa kasamtangang administrasyon.
