Adunay bagong loveteam nga ginahisgutan karun sa social media, og mao kana ang “ViCat” kon gipag-uban nga pangalan ni Pasig City Mayor Vico Sotto ug Miss Universe 2018 Catriona Gray.
Nag-sugod ang maong hungihung human nga makita sa fans nga nag-follow sa matag usa sa Instagram si Vico ug Catriona kaniadtong Hunyo 4, 2025.
Apan, walay kumpirmasyon og unsa ang hinungdan sa pag-follow sa duha, gumikan niini daghang mga fans ang naexcite ug aduna pay nagkanayon nga “Bagay sila.”
Dugang pa sa mga fans nga single sumala pa ang duha ug ginakonsidera usab nga “perfect couple” gumikan mga born-again Christian usab ang duha.
Nakahatag kini og nagkadaiyang opinyon sa mga netizens, adunay mga nalipay ug adunay usab nagkanayon nga pasagdan na lamang sumala pa si Vico sa iyang trabaho isip Mayor, ug adunay usab misaysay nga aduna pay laing babae nga mas angay kang Vico.
Kahinumdoman nga si Catriona ulahing na-link sa aktor nga si Sam Milby, gani, gianunsyo pa sa duha ang engagement kaniadtong 2023.
Apan, kaniatong 2024, miluwat ang mga balita nga nagbulag na ang duha human nga gipangtanggal ni Catriona ang mga hulagway nilang duha sa Social Media.
Samtang, si Vico usab nailhan nga pribado sa iyang personal nga kinabuhi ug ginalikay ang showbiz intrigue, sumala usab sa iyang inahan nga si Coney Reyes, nga wala pay gipa-ilaila si Vico nga girlfriend sa ilang pamilya.
