Gipailalom sa reorganization sa Armed Forces of the Philippines (AFP) ang Vice Presidential Security and Protection Group (VPSPG) ni Vice President Sara Duterte. Kini ang giklaro sa AFP homan migawas ang mga balita nga gibungkag na kuno ang security detail ni VP Sara.
Sa gipagawas nga pamahayag sa AFP, wala gibungkag ang VPSPG, ug giklaro nga mihimo lamang sila ug adjustments sa han-ay niini kung diin gipulihan ug gihimo na usab kining “AFP Security and Protection Group” (AFPSPG).
Gikanayon sa AFP nga ang nahisgutang lakang ang gi-aprubahan sa Department of National Defense (DND) sa tumong nga usahon ang Security and Protection group niini.
Dugang gikanayon pa sa AFP nga mas makatabang kini aron maseguro ang proteksyon sa ikaduhang pangulo dili lamang sa pagkakaron apan hangtod sa mga mosunod pang opisyal.
