DAVAO CITY – Nagpabilin pa gihapon nga naka-isolate si Vice Mayor Sebastian “Baste” Duterte human nga nakasinate ug flu-like symptoms ug naghulat pa sa test result alang 2019 coronavirus disease (Covid-19).
Sumala pa kang Mayor Sara Duterte , nga tulo ka mga sintomas ang gibati karon ni Baste nga gilangkuban sa kalintura, ubo ug sore throat hinungdan nga gikonsidera kini nga person under monitoring (PUM).
Una ng gibutyag sa Bisa Mayor nga mipailalom siya sa 14-day self-quarantine human nga nakasinate ug susama nga sintomas sa Covid-19 human nga gikan kini sa Metro Manila upoat ka semana na ang milabay.
Hinuon, anaa na matud pa sa maayo ang kahimtang sa Bise Mayor ug naghulat na lamang kini ug clearance gikan sa doktor.
Samtang gibutyag sab ni Mayor Inday nga anaa sa maayo ang kahimtang ni First District Rep. Paolo Duterte luyo sa naunang balita nga adunay usa ka empleyado sa kongreso nga nagpositibo sa Covid-19.
