DAVAO CITY – Hingpit na nga naduso sa mga personahe sa San Pedro PNP ang reklamo batok usa ka vendor nga una ng nadakpan sa gipahigayon nga drug buy bust operation sa Roiman Catholic Cemetery sa Purok 5, San Nicolas Brgy. 8-A ning dakbayan sa Davao.
Naila ang dinakpan nga si Jameel Hajihil Raji Jr., 27 anyos, minyo, vendor ug residente sa Purok 3-D Isla Verde, ,Brgy. 23-C ning dakbayan.
Nadakpan ang nahisgutan human nga napalitan kini ug ginadili nga druga sa operatiba sa kapulisan nga nagka-arun ingnon nga buyer bugti sa P1,000.00 nga buy bust money.
Narekober sab sa posisyon niini ang itom nga sling bag nga gi-undan ug mga pakete sa illegal nga druga ug adunay kantidad nga P3,000, usa ka unit sa .38 revolver nga adunay unom ka mga bala, cellphone ug personal nga kuwarta niini nga P400.00.
Nagpabilin karon sa San Pedro PNP ang dinakpan alang sa tukma nga disposisyon.
Gawas sa paglapas sa R.A. 9165 kun Comprehensive Dangerous Drugs Act of 2002, pasakahan sab ang nahisgutan ug kasong kalapasan sa Comelec Resolution no. 10726 (Comelec Gun Ban).
