DAVAO CITY – Gikanayon ni Davao City vaccination cluster head Dr. Josephine Villafuerte nga mamahimo na nga makuha sa mga fully vaccinated sa anti-covid 19 vaccine ang ilang Vaccination Certificate (VaxCert) sa pipila ka mga malls sa dakbayan.
Sumala pa kang Villafuerte nga gisugdan na sa dakbayan ang pag-abli sa VaxCert hubs sa Abreeza Ayala Malls, SM Lanang Premier, ug SM City Ecoland.
Sa mga buot magpa-rehistro sa VaxCert, mamahimo osumala pa nga muadto sa bisan asa man nga operational VaxCert booths.
Makita sa nahisgutan nga vax certificate kung ang usa ka indibidwal nakakumpleto na sa iyang bakuna.
Mamahimo sab sumala pa kini nga ma-access sa https://vaxcert.doh.gov.ph/via pinaagi sa website o mobile application.
Apan gitataw ni Villafuerte nga pipila ka mga indibidwal ang magpa-rehistro mismo sa booth gumikan sa pipila ka isyu sa ilang vaccination information o vaccination cards.
Kahinumduman nga dakong tabang ang VaxCert gumikan kay mamahimo na kini nga i-presenta sa higayon nga muadto sa abroad.
