Vangie Labalan mipanaw na sa edad nga 83-anyos

Mitaliwan na sa laing kalibutan ang usa ka beteranang aktres nga si Vangie Labalan sa edad nga 83 anyos.

Gikumpirma mismo sa iyang anak nga si Carlo ang maong makasubong balita pinaagi sa usa ka post sa social media.

Sumala sa anak, malinawong mitaliwan ang aktres samtang anaa sa Australia tungod sa sakit.

Wala na naghatag og dugang detalye ang pamilya kabahin sa hinungdan sa kamatayon ni Labalan.

Nasayran nga nailhan ang aktres sa iyang mga papel sa nagkadaiyang pelikula sukad dekada ’80 hangtod ’90, diin sagad siya makita sa mga komedya nga mga proyekto.