DAVAO CITY – Misaka ang presyo sa mga bulak sa dakbayan atol niining nagka-doul ang Valentines day.
Sumala pa kang Jezabel Tobias alyas Gigi, flower vendor sa Bankerohan nga dunay mga bulak nga midoble ang presyo, dunay uban nga napun-an ug P100, P50, o kaha P20 ang presyo.
Sa Carnation nga kanhi – P25 pesos ang matag stick , karon P50 pesos na, samtang P300 ang matag bundle, Rose – P450 ang matag dosena karon P550 na ang matag dosena.
Ang Astromeria P150 ang matag bundle, China Rose – P250 pesos, Rainbow Color nga Ecuadorian Rose – P100 ang matag usa, Malaysian Mumps – P150 pesos, dunay pagtaas nga baynte pesos ang Calla Lily, nga kaniadto P100 pesos, karon P120 pesos na.
Ang Gerbera anaa karon ang presyo sa P250 pesos nga kanhi P150 pesos ang dosena, samtang ang Asmeras mitaas sab ug singkwenta pesos nga karon anaa na sa P150 pesos.
Ang Stargazer anaa sab sa kantidad nga P180 pesos matag stick, samtang P300 pesos ang matang pongpong. Ang stuff toys ug heart-shape balloon mapalit sa balor nga P100 pesos.
Mapalit na sa balor nga P200 ang bouquet ug Teddy Bear, lakip na ang balloons nga giporma ug bouquet. Ang heart-shape nga stuff toys nga dunay chocolate – P100 ka pesos.
Dugang pa kang Gigi, nga misaka ang ilang presyo karon gumikan kay minihit ang bulak ug mipasaka sab sa ilang presyo ang mga planters.
Ang supply sa bulak karon sa Davao, dunay gikan sa Boda, Calinan ug duna sa’y gikan sa Manila.
