DAVAO CITY – Gumikan nga nagpadayon ang mga lakang sa lokal nga kagamhanan sa dakbayan sa dabaw alang sa pagpakgang sa Covid-19, gibutyag ni Dr. Josephine Villafuerte, Davao City Vaccination program head sa syudad nga mahimong mukabat na sa 18 ang mga vaccination site sa syudad karong adlaw nga Miyerkules.
Kini aron nga ma-cater ang tanang mga prayoridad nga mabakunahan sa syudad ingon man aron ma-angkon ang herd immunity.
Gitino sab sa opisyal nga ang tumong sa pagpadaghan sa mga vaccination site mao ang pagpadaghan usab sa mga senior citizens nga mabakunahan diin nalakip ang nashigutan sa mga prayoridad.
Sa kasamtangan, anaa pa lamang sa onse ka mga vaccination site ang naabrehan sa City Health Office (CHO) ug sa matag vaccination site anaa sa 300 ngadto na sa 400 ang mabakunahan matag adlaw.
Una ng gtino sa otoridad nga target karon sa CHO nga mabakunahan ang 120,000 ka mga senior citizens sa syudad gumikan mukabat pa lamang sa 98,000 ang nagparehistro aron nga magpabakuna.
