DAVAO CITY – Nadakpan na ang tinuod nga suspek sa pagdagit ug pagpatay sa sais anyos nga biktima nga si Lea Bea.
Ang suspek nga si Edgar Joseph Lucero, 21 anyos nga uyo-an lamang sa biktima nadakpan kaganinang alas dos ang takna sa hapon.
Labihang nakapangayo ug pasaylo ang dinakpan dihang nasikop sa kapolisan. Gi-angkon niini nga usa ra sila ug balay sa biktima nga si Bea.
Sumala pa kang Edgar nga gidala niya si Bea sa balay sa iyang barkada human nga misunod kaniya ang bata kay nangayo ug kwarta.
Si Bea gidakdakan ug bato ang ulo ug halos dili na maila sa dihang nakaplagan sa Barangay Angliongto ning dakbayan sa Davao.
Mismong si Edgar ang mitug-an sa ilang apohan sa iyang gihimong pagpatay sa iyang pag-umangkon.
Naghinobrang kahubog ang gibasol ni Edgar Joseph Lucero sa nabuhat nga krimin.
