Natala ang bag-ong record high sa utang sa gobyerno sa Pilipinas kaniadtong katapusan sa tuig 2024 gumikan sumala pa sa paghuyang sa ekonomiya, matud kini sa gigawas nga datus sa Bureau of the Treasury.
Miabot og P16.5 trilyon ang outstanding nga utang sa nasudnong kagamhanan, misaka kini og 9.8% o P1.44 trilyon, gikan sa P14.62 trilyon sa katapusan sa 2023.
Sigon sa Treasury nga ang binuwan nga pagtaas sa stock sa utang sa gobyerno nagpakita sa net issuance ug pag-avail sa domestic ug external nga utang.
Dugang pa sa ahensya, nga ang epekto kini sa revaluation sa peso depreciation batok sa dolyar sa US.
Miabot sa P10.93 trilyon ang domestic debt sa nasud, misaka kini og 9.1% gikan sa P912.49 bilyon sa miaging tuig sa dihang ang gobyerno nag-isyu og debt securities aron madugangan ang panudlanan niini.
Gumikan sa panghitabo, ang debt-to-GDP ratio sa nasud miabot sa 60.7%, labaw gamay sa target sa gobyerno nga 60.6 ubos sa Medium-Term Fiscal Framework.
Samtang, ang external debt, nagpabilin nga wala mausab sa 11.4% ngadto sa P5.12 trilyon gikan sa P522.55 bilyones nga pag-usbaw gumikan sa pag-avail sa utang ug ang paghuyang sa peso batok sa dolyar.
Bisan pa man niini, gigarantiya sa ahensya nga ang obligasyon sa gobyerno mikunhod og gamay sa P346.66 bilyon.
