Misaka sa P16.31 trillion ang utang sa gobyerno sukad bulan sa Enero, nga mao na karon ang labing taas nga rekord.
Sumala sa Bureau of the Treasury, misaka kini og 1.63 porsyento o P261.47 billion gikan sa miaging bulan tungod sa dugang pagpangutang ug sa pagkaluya sa piso batok sa dolyar.
Gani, nagpabiling dako ang domestikong utang nga miabot sa P11.08 trillion, nga misaka usab og 1.41 porsyento.
Samtang, ang external debt misaka og 2.10 porsyento ngadto sa P5.23 trillion tungod sa dugang nga utang gikan sa gawas sa nasud.
Gipahayag sa Treasury nga ang pagsaka sa utang resulta sa bag-ong pagpangutang sa lokal ug internasyonal nga merkado, samtang ang nagpahinay nga piso gikan sa P57.847 ngadto sa P58.375 matag dolyar nga mas nakadugang sa kantidad sa utang.
