DAVAO CITY – Nasakote sa Bureau of Customs – Port of Davao ang duha ka mga container vans nga gideklarang nag-unod og brand-new cars apan nasayran nga dunay ginamit nga mga luxury cars.
Subay sa taho sa ahensya, nakita sa mga opisyal sa customs nga dili akreditado sa Accounts Management Office ang consignee.
Pinaagi sa pagkamabinantayon sa mga enforcement unit sa hugot nga pag-monitor sa nasangpit nga kargamento, napugngan ang pagsulay sa importer nga magdala og mga ginadili nga mga butang.
Naglusad gilayon og inspeksyon ang BOC Davao ug nasayran nga adunay upat ka mga used luxury cars kon gamit na nga mga awto nga gi-import sa nasud.
Ang maong kargamento ang supak sa Executive Order 156 s. 2002.
Gilihok na sa ahensya ang pagpasaka og kaso batok sa mga nalambigit sa ilegal nga pag-import sa mga nahisgutang kargamento.
via || Bombo LJF
