Usa sa unom ka mga patay nga lawas sa naunlod nga bangka, nailhan na

Nakumpirma na ang pagkatawo sa usa sa unom ka mga lawas nga narekober gikan sa naunlod nga MBCA Amejara.

Sumala sa Office of the Civil Defense (OCD) XI, pinaagi ni Regional Director Ednar Dayanghirang, nailhan ang patay nga lawas sa common-law wife sa usa ka pasahero nga mao si Porferio Lanorias, Jr..

Kahinumduman nga ang narekober nga lawas gipailalom na sa eksaminasyon sa National Bureau of Investigation (NBI) XI alang sa beripikasyon.

Ang nailhang lawas usa sa mga pasahero sa MBCA Amejara nga naunlod gumikan sa trahedya sa kadagatan sa Davao Occodental, nga miresulta sa daghang mga na-missing.

Padayon pa usab karon ang rescue ug recovery operations alang sa ubang mga pasahero nga wala pa makit-i hangtod karong panahuna.