DAVAO CITY – Miduso ug motion to quash warrant of arrest ang usa sa mga akusado sa Roxas night market bombing case nga si Abdul Jabar Sema, atol sa hearing kaganinang buntag sa RTC Branch 33 sa kasong paglapas sa Republic Act 9372 kon Human Security Act of 2007 o terrorism.
Kahinumduman nga si Sema mao ang gitudlo nga misugo nga sa dakbayan sa Davao ipabusikad ang bomba inay nga sa Midsayap, North Cotabato.
Atol sa hearing niining adlawa, nag-motion ang abogado niini nga si Atty. Ricardo Moreno nga ibasura ang warrant of arrest bagtok kang Sema.
Subling gitakda sa Abril 19 ang pagtuki sa nahisgutan nga motion gumikan kay hatagan pa ug panahon ang prosecution alang sa ilang komento bahin sa motion to quash.
Duna sa’y giduso nga motio si drop the action o discharge the action nga si si Ausa Mamasapano, ug Jackson Oti nga mao ang naghatag ug extra judicial confession sa nahisgutan nga kaso.
Na-submit na kini for resolution ug gihulat na lamang nga mopagula ug order si Branch 33 Judge Lope Callo bahin niini.
Pito na ang mga nangadakpan sa mga suspetsado ug anaa sa kustodiya sa criminal investigatgion and Dtection Group (CIDG).
