Usa ka wing van nga nawad-an og kontrol, gidaro ang duha ka poste

Bungkag ang dagway sa atubangang bahin sa usa ka wing van, human nga midaro kini ngadto sa duha ka poste sa kuryente, kagahapon pasado alas 12 ang takna sa udto, sa CP Garcia, Highway NHA Buhangin, ning syudad.

Subay sa inisyal nga imbestigasyon sa mga otoridad, giila ang drayber sa maong wing van nga si Pahit Julius Ariat nga sumala pa nagsubay sa dalan nga CP Garcia Highway nga gikan sa Panacan ug padulong kini sa Maa.

Apan pag-abot niini sa maong dapit, kalit nga mibangga kini ngadto sa poste, ug gumikan sa kakusog sa pagkabangga, nadaro niini ang duha ka poste diin adunay 30 metros ang distansya.

Sa karun, padayon pang ginasuta sa mga otoridad ang rason sa maong kalit nga pagkabangga sa maong wing van.