DAVAO CITY – Subli gihingusgan sa Davao City COVID-19 Task Force ngadto sa mga ginikanan nga magpabakuna ang ilang anak human nakatala og usa ka unvaccinated nga bata nga namatay gumikan sa maong sakit, kinsa lakip sa vulnerable nga sector edad 5-11 years old.
Sumala sa tigpamaba sa Davao city covid-19 task force, Dr. Michelle Schlosser, lakip ang namatay nga bata sa duha ka natala nga namatay gikan sa Mayo 29 ngadto sa Hunyo 4, diin ang kauban niini, usa ka hamtong nga gikan sa age group nga 50-59 years old nga usa sab kini ka unvaccinated.
Dugang pa sa opisyal, dili tanan namatay sa COVID-19 gikan sa senior population group tungod ang coronavirus makaapekto kini sa bisan unsang age agroup ug ang kagrabe niini depende sa tao.
Gipahimangnuan ni Schlosser ang mga ginikanan nga dapat nilang pabakunahan ang ilang mga anak arun nga ma protektahan labi na nga kini nga mga edad ang dili kaayo nagagamit og facemask. Tungod kadaghanan niini dili kasabot ngano kinahanglan nila musul-ob og face mask , kon mahimo man nila , kini lamang sa mubo nga panahon ug kanunay mureklamo tungod dili kini komfortable.
Gikabalakan sa opisyal kung mubalik na ang full face-to-face classes tungod kadaghanan sa mga bata walay proteksyon gikan sa virus. Gipasabot niini nga ang pagpabakuna, dili kini usa ka siguradohan nga dili mataptan sa virus apan malikayan niini ang kagrabe sa sintomas nga maangkon sa bata.
Human sa gipahigayon nga vaccination pilot roll out niadtong Mayo 27, 2022 sa San Roque Elementary School, subli mubalik ang mobile vaccination sa pampublikong tinunghaan ugma sa biyernes , Hunyo 10 sa Doña Soledad Dolor Elementary School sa first district, Buhisan Elementary School sa second district, ug Ramon F. Magsaysay Elementary School sa third district.
Samtang, giawhag sab ang mga ginikanan ug kabanay sa mga bata gikan aning tulo ka tinunghaan nga mag-apil magpabakuna
