Gisirad-an karon ang Parish Church of St. John the Baptist sa Jimenez, Misamis Occidental human nga giluwaan ug nangulihad ang usa ka babaye.
Gani, ang maong binuhatan hugot nga gikondena sa simbahan tungod usa kini ka matang sa pagpanamastamas diin ginakonsiderang sagrado ang holy water font.
Nasayran nga ang Archdiocese of Ozamis ang mimando sa temporaryong pagsirado sa simbahan sugod kagahapong adlawa sa alas-3 sa hapon isip kabahin sa panghimayad sa nahitabong insidente.
Samtang gihimakak ni Thine Medalla, usa ka vlogger nga nangluwa siya ug nangulihad sa holy water font sa simbahan sa lungsod sa Jimenez, Misamis Occidental.
Gumikan sa iyang gibuhat, pugsanong gipasirad-an sulod sa 7 kaadlaw sa mga pari pinaagi sa pagpanguna ni Archbishop Martin Jumuad ang simbahan.
Gikanayon pa niini nga daghan matud pa ang nakasaksi niadtong mga tungura nga nagapamatuod nga wala gayud siya nagluwa.
Nangayo sab og pasaylo ang nahisgutan apan padayon gihapon kini sa iyahang paglimod.
