Gitataw karun ni Senador Ronald Bato Dela Rosa nga usa sa mga nag-unang rason kung nganong ginagukod karun sa pipila ka mga opisyal sa gobyerno ang mga Duterte lakip na ang mga kaalyado niini, mao ang hinungdan sa pulitika.
Kahinumdumang una na nang ginapangita ug gidakop ang leader sa Kingdom of Jesus Christ nga si Pastor Apollo Quiboloy, gumikan sumala pa sa mga kaso niini nga adunay kalambigitan sa Human Trafficking, Sexual Abuse ug uban pa.
Apan sa laing bahin, nakita usab matud pa sa kadaghanan nga ang maong pastor maoy kaalyado sa mga Duterte.
Sunod nga ginapangita na usab karun, mao si kanhing Presidential Spokesperson ni FPRRD nga si Atty. Harry Roque, gumikan sa pagkalambigit niini sa mga illegal nga POGO sa nasud.
Sumala pa ni Dela Rosa nga pulitika lamang ang motibo niini gumikan ug sa hisgutanang personal, wala man matud pa kini silay problema, hinungdan nga nakahukom ang maong Senador nga pulitika lamang kining tanang nagakahitabo karun.
Lakip sab nga nagpadayag si Senador Dela Rosa sa iyahang kabahin, labot sa mga hungihong nga ipa-impeach matud pa si Vice President Sara Duterte.
Sumala pa niini nga gibotaran kini si VP Sara sa minilyon ka mga pilipino, apan dako matud pa ang iyahang katingala gumikan kuyaw matud pa makaduso ug impeachment ang pipila ka mga opisyal sa gobyerno nga kung itandi ang boto niini sa ihap sa boto sa Bise Presidente, wala ra matud pa kini nakaabot ug katunga.
