DAVAO CITY – Padayon karon nga gimonitor ang kahimtang sa upat ka mga miyembro sa usa ka pamilya sa Brgy. 20-B, Poblacion District ning dakbayan sa dabaw human nga susama kini nga natakdan ug Covid-19.
Sa kasamtangan, naka-isolate na ang maong pamilya ug gibutyag ni Brgy. 20-B Kapitan Gina Murillo nga nagpadayon karon ang gihimong contact tracing sa ulahing mga nakahimamat sa mga nahisgutan.
Kahinumduman nga nangatakdan ang mga nahisgutan human nga mitambong sa usa ka outing sa Island Garden City of Samal, Davao Del Norte.
Una na sab nga gibutyag ni Brgy. Capt. Murillo nga anaa sa 14 ka mga aktibong kaso ang natala karon sa ilahang lugar diin sagad sa mga nahisgutan ang gikan sumala pa mitambong sa usa ka outing sa isla.
Gitino sab niini nga adunay duha ka senior citizen ug usa ka 9 anyos sulod sa maong pamilya ang nagpositibo sa Covid-19.
Lakip sumala pa sa nagnagpositibo sa sakit ang ilahang mga kaubanan sa panimalay o mga F1 closed contact.
Sa kasamtangan, nagpadayon ang pagpanubay sa mga otoridad sa mga posibleng nakahimamat sa mga nagpositibo sa Covid-19.
Kahinumduman nga kagahapong adlawa gikumpirma sab ni IGACOS Mayor Al Davao Uy nga nagpositibo kini sa Covid-19 apan mild case lamang ang iyang sintomas.
