Namatay diha-diha dayun ang usa ka babaye human maligsan sa trailer truck sa Daang Maharlika Highway, Km. 14, Panacan, Davao City, pasado alas-12:30 sa udto, kagahapong adlawa Agosto 29, 2025.
Giila ang biktima giila nga si Gilda, 59-anyos, usa ka midwife ug residente sa Brgy. Ilang, Davao City.
Ang drayber sa nahisgotang truck mao si Alfer, 27-anyos, taga-Brgy. Morales, Koronadal City.
Gisuta sa imbestigasyon nga samtang mitabok gikan kasadpan paingon sa sidlakan ang biktima, miabot ang truck nga nagbiyahi gikan habagatang bahin paingon sa amihanang direksyon, sulod sa pinakasuod nga linya sa kalsada.
Wala malikayi nga naigo ug naligsan kini nga maoy hinungdan sa iyang hinanaling pagkamatay.
Sa karun nipadayon sa kapolisan ang dugang imbestigasyon sa aksidente samtang gitutokan usab ang posibleng kasong ipasaka batok sa drayber.
