Usa ka lungsod sa Mexico, nakamugna ug keso susama sa dakong bola

Nakamugna ang usa ka lungsod sa Mexico ug pinakadakong keso kun cheese nga pormang lingin.

Nakuha ang rekord sa lungsod sa Reyes Etla nga naghupot sa world record title nga “World’s Largest String Cheese Ball”.

Kini homan nila namugna ang string cheese ball o mas naila sa tawag nga Oaxaca Cheese nga adunay gibug-atong 1,402.58 pounds kun 636 kilos.

Aron mamugna ang higanteng cheese ball, nagtinabangay ang local government sa Reyes Etla ug Oaxaca state government.

Gitapok nila ang tanang cheesemaker sa ilahang lugar ug migamit sila ug mukabat sa 2,641 galon sa gatas aron mamugna ang pinakadakong bola sa keso kun cheese sa tibuok kalibutan.

Matod pa sa mga nahisgutan, gihimo kini nila aron pakusgan ang culinary tourism sa ilahang lugar.