Walay happy ending ang love story sa usa ka Pinay ug iyang bana nga Indian. Si Evita Varon usa ka pinay ug ang Indian national nga si Arnald Rajath Dsouza nagkita sa usa ka dating app ug sa ulahi nagpakasal apan nagbulag usab human sa tulo ka bulan.
Tungod niini, nangayo og tabang si Dsouza aron makapangayo kini og pasaylo sa iyang asawa ug mahatagan og katapusang higayon ang ilang gugma.
Nibalibad ang Pinay kay dili kuno siya gustong maligo ug magtoothbrush sa usa ka lalaki nga sagad masuko kon pahinumdoman.
Gibutyag usab ni Varon nga init og ulo ang iyang bana, giyawyawan siya sa publiko, ug usahay gision pa ang ilang marriage certificate.
Tungod sa balikbalik nga batasan sa iyang bana, nakahukom si Varon nga magbulag alang sa iyang anak ug pamilya.
Samtang, gibayran na ni Tulfo ang pamasahe ni Dsouza sa pagpauli niini sa India ug misaad nga magbinuotan ug maligo na kini.
